Alimus hálddahusriekti
Suoma vuođđolága mielde alimus hálddahusriekti geavaha bajimuš duopmoválddi hálddahuslágageavahanáššiin. Riido- ja rihkusáššiin bajimuš duopmoválddi geavaha alimus riekti. Alimus hálddahusriekti ja alimus riekti vuođđuduvvojedje jagis 1918.
Vuođđolágas gáibiduvvo, ahte buot almmolaš válddi geavahus vuođđuduvvá láhkii. Almmolaš nuppástusohcanvuoigatvuohta hálddahusmearrádusaide lea ordnejuvvon lagamustá hálddahuslágageavahanlágain.
Eanaš oassi alimus hálddahusrievtti gieđahallan áššiin ii gula váidinlohpeortnegii. Daid áššiin áššeosolaččas lea váidinvuoigatvuohta ja alimus hálddahusriekti addá maiddái ávnnaslašvuoigatvuođalaš áššečovdosa.
Hálddahuslágageavahanláhka lea hálddahusduopmostuoluid proseassaláhka. Nuppástusohcci vuoigatvuođadorvvu dáhkádussan leat hálddahuslágageavahanlága virggálašprinsihppan ja vuoigatvuođadorvoprinsihppan gohčoduvvon njuolggadusat, maid mielde duopmostuollu vástida bealistis das, ahte ášši boahtá čilgejuvvot. Áššeosolaš bastá dábálaččat vuodjit áššis almmá áššealbmá haga, mii álkidahttá nuppástusohcama ja vuoigatvuođadorvvu fidnema.
Julkaistu 5.6.2020