Diehtu siiddus

Kho.fi lea alimus hálddahusrievtti bajásdoallan neahttabálvalus, gosa lea čoggojuvvon diehtu alimus hálddahusrievttis, dan doaimmas sihke bargguin ja nuppástusohcamis alimus hálddahusriektái.
Bálvalusa suoma- ja ruoŧagielat ossodagat leat sisdoaluidis bealis viidámusat. Neahttabálvalusas gávdno diehtu maiddái sámegillii, eaŋgalasgillii ja fránskkagillii.

Bálvalusa teknihkalaš doaimmas vástida Vuoigatvuođaregisttarguovddáš.

Dahkkivuoigatvuohta

Alimus hálddahusrievttis lea dahkkivuoigatvuohta visot dáidda siidduide dahkkojuvvon ja buvttaduvvon materiálaide (teaksta, áššesisdoallu ja govat). Alimus hálddahusrievtti siidduid sisdoalu ii oaččo geavahit dahje luoikkahit eará oktavuođas lobi ja gáldu máinnašeami haga. Juos siiddu materiála ii leat dahkan alimus hálddahusriekti, dahkkivuoigatvuođa hálddašeaddji lea máinnašuvvon sierra.
Alimus hálddahusriekti ii vástit váilevašvuođain mat sisdoalus vejolaččat ovdanbohtet.

Siiddu ja diehtojohtolaga teknihkalaš loggadieđut

Kho.fi-siiddu diehtojohtolatoktavuođain ja geavaheamis čoggojuvvojit teknihkalaš loggadieđut, maid dárbbaša gulahallama gaskkusteapmái, bálvalusa ollašuhttimii ja diehtodorvvus fuolaheapmái. Loggadieđut sisttisdollet dieđuid, maid lea vejolaš ovttastahttit olbmui, dego IP-čujuhus ja áigesteampal. Dát loggadieđut geavahuvvojit dušše dan dihtii vai bálvalusa lea vejolaš geavahit diehtojohtolatfierpmis sihke meaddindiliid ja diehtodorvospiehkkasemiid čielggadeapmin.

Loggadieđuid oasis persovdnadieđuid gieđahallamis vástideaddji registtardoallin doaibmá alimus hálddahusriekti. Loggadieđuid teknihkalaš hálddašeamis vástida Vuoigatvuođaregisttarguovddáš.

Geavaheami ja luobaheami ja lágalašvuođa bearráigeahččama váráš čoggojuvvon loggadieđut seailluhuvvojit vihtta jagi.

Diehtočoahkut

Diehtu siiddu diehtočoahkuin lea čoggojuvvon siidui Galledeaddjičuovvun ja diehtočoahkut .