Alimus rievtti vuoigatvuođaid presideanttat čoahkis Roavvenjárggas
Suoma, Ruoŧa, Dánmárkku, Norgga ja Islándda alimus rivttiid presideanttat dolle čoahkkima Roavvenjárggas 8.–10.9.2021. Čoahkkima oktasaš isidin doibme iežamet ruovtturiikka alimus rievttit, riido- ja rihkusáššiid gieđahalli alimus riekti ja hálddahuslaš áššiid gieđahalli alimus hálddahusriekti.
Čoahkkima áigeguovdilis fáddán ledje Eurohpá olmmošvuoigatvuođaduopmostuolu ráđđeaddi cealkámušat, duopmostuoluid guovddášhálddahusat ja koronaepidemiija váikkuhusat duopmostuoluid doibmii. Lassin iešguđege duopmostuollu ovdanbuvttii doaimmahis maŋimuš jagiid áigge ja guovddáš vuoigatvuođageavadagaidis.
Čoahkkimii oasálastit deive maid Sámedikki ja Roavvenjárgga gávpoga ovddasteddjiid sihke fitne Roavvenjárgga hoavvarievttis ja Arktikumas. Alimus rievtti presideanta Tatu Leppänen geigii alimus rievtti medállja Sámediggái, mii lea gudnečájáhussan dan árvvolaš barggus sápmelaš álgoálbmoga giela ja kultuvrra guoski iešráđđema ovdii.
Alimus hálddahusrievtti presideanta Kari Kuusiniemi mielde davviriikalaš kollegaiguin ođđasis oaidnaleapmi guhkes koronabottu maŋŋá lei ilolaš ja lotkat.
- Vaikko davviriikalaš duopmostuolut leat čielgan pandemiijadilis hui bures, jurdagiid lonohallan deaivvademiid oktavuođas verddeduopmostuoluguin lea diehttalasat gillán. Lei duohta árvvolaš beassat fas čoahkkanit Roavvenjárggas, gos vuostáváldin leamaš earenoamáš liekkus. Maid vejolašvuohta lonohallat oainnuid ovttas Sámedikkiin lei earenoamáš dehálaš, čoahkkáigeassá Kuusiniemi dáhpáhusa.
Lassedieđut:
Kansliijahoavda Emil Waris, alimus hálddahusriekti, [email protected], tl. 02956 40210
Kansliijahoavda Wilhelm Norrman, alimus riekti, [email protected], 02956 40110
Julkaistu 10.9.2021